Лиякс эряйхть тяни стирьхне
Иле тевти синь кундасть.
Шукша пряти йордаф кштирьхне
Сорхнень йоткса синь кужфтасть.
Марстонь козя паксять лангса
Тракторть руленц стирьхть кирдсазь.
Модать сокасазь, синь парста
Сеялкаса видесазь.
Ванат: лиихть самолеттне,
Алост гайняй пиче вирьсь.
Нят советскяй од пилоттне —
Макокс панжи мази стирьхть.
Кремлять вакска молихть стройса
Мяштьсост палыхть КИМ значокт.
Синь работайхть метростройса,
Максыхть Сталинти отчет.