Page:Колхозонь эряф 1938-09-10 48стр.jpg

Г.  Ельмеев

 

Стирьхнень  эряфста

I

Сире пингста эрясть стирьхне:
Ашельхть тейст максф прават.
Кядьсост шарондсть шуфтонь кштирьхне,
Кштирькшнесть каньфонь моцьке прят.
Сьормас фкявок синь исть сода —
Школав якамс ашель ки.
Эряфсь йотай, «кода-кода»,
Ули поремс коське кши.
Горбон тарваскаснон каньнесть;
Козянь росьнень синь нусазь.
Нумда питне тейст исть паньне,
Аньцек анцазь и симцазь.
Лажнай мороняснон морсезь,
Кода макссезь синь рьвакс.
Пиже сединяснон колсезь.
Эста тяфтамоль судьбась:

Стирень мор

«Кельгом аляняй,
Мяс юмафтсамак,
Тон колеканди
Рьвакс макссамак.
Што-шта, сон козя,
Козясь «дорогой».
Кельгом цёраснон
Фкя сельмоц кривой.
Кода эряса
Мон эсь векозень —
Сянди молемда
Пондан прянязень.
Лучи максомак
Игань Матьвейти,
Игань Матьвейти —
Велень ашути.
Ухай, аляняй,
Ухай, тядяняй,
Кевда калгодста
Тиесть сединтень.
Кевда калгодста
Тиесть сединтень, —
Кривой цьоранди