Эрязста ласьки
Мокшень од стирьня
Кели паксява,
Паксянь кинява;
Сон кува ласьки,
Меки варжаксни,
Сельме ведьняти
Ожа пенц начфни.
Стирьнять лангсонза
Акша панарня.
Прязонза сотфкя
Ташта руцяня.
Карьсефт пильгонза
Пона пракстаса,
Вете ленгаста
Кодаф карьняса.
Пужфкя, олафкя
Эводьф шаманяц,
Лафту ланганза
Срафтфкя шяярняц.
Тяфта ков ласьки?
Ков эряскады?
Мес кафта пяли
Пелезь ванонды?
Кия эвфтезе?
Кия обжазе?
Кия авардезь
Паксяв нолдазе? —
Ласьки аканцты
Пиченя вели;
Меки ванонды:
Сединяц пели.
Салаюфть цёрац
Вай, сонь обжазе,
Рахазь-пеедезь
Паксяв нолдазе.
Тяни од пингоц
Стирьнять юмась ни.
Сянкса сединяц
Тотнай, комотни.
Содасы, кулясь
Пачкодьсь велети,
Аф пара славась
Келес келемкшни.
Кулянь каннида
Лама велеса,
Ламонь кулендихть
Оржа пилесна.
Фкя куля маряйхть —
Тиихть ведьгемонь,
Оржа кяльнясост
Рахсесазь сембонь:
„Коленди стирьда
Велеса лама“ —
Кядьнек-пильгонек
Кармайхть корхтама.
Вов мес велеста
Стирьнясь ворьгоди,
Вов мес паксяса
Келукс кольгонди.
Сюдуфсь стакаста
Касозе серенц,
Вирень нумолнякс
Ломаньда пелендьсь.
Одняста стирьнясь
Кармась якама,
Оцюфнень мархта
Паксяв покама.
Мяляфтсы, нуйхне
Рахайхть эсонза,
Мес аф кирьдеви
Тарвазсь кядьсонза.
— Алду, сизеть ни?
— Ха-ха, ха, ха!
Артака куду —
Росьнень тяйть тапа.
Эх, стирьня, стирьня,
Сюдуф уроскя
И кармайхть нума
Эрязста нуйхне.
Маладсь од пингоц,
Тяни оцю ни,
Аньцек эряфкац,
Вай, аф петневи.
Сякокс козянди
Виенц макссесы,
Эрь кши сускомнять
Ливсьса рамсесы.
Сяконь лангс исяк,
Вай, сонь пеедезь:
Вай, лимокс-сюнокс
