И надьямань, и сетьме славань
Аф ламос васькафнесь минь онсь,
Мянць рана од пингень забавась,
Срадсь шобдавань сув*[1] лаца сон.
Но ашезь машта ненгя эрьгясь,
Минь эсонк ёрамась к“рфай,
И — роковой властьсь хоть люпштай —
Кульсаськ: отчизнась тердезь серьгядьсь.
Минь тотнай седиса учтама
Минутать — валда вольнай шить,
Любовниксь тяфта учи, шять,
Свиданьянь эсь минутонц саманц.
Мызярс честь инкса седись эряй
И воля шинкса мяльсь юрнай,
Эсь прянькень, ялгай, апак эряндьт
Отчизнань тевти казьсаськ дай!
Тон ялгай, надьяк: лиси сон,
Минь велькссонк паваз заря-тяштьсь ся,
Россиясь стяй, сонь кады онсь,
И самовластьянь пакш лангс тяштьсазь
Минь лемнекень — и тонь, и монь!
