|
|
| Дон Гуан.
|
А мезть? Што мон отшельникан?
Што грефу вайгялезе теень тяса
Эф эряви новлямс тяфта кайгомя?
|
| Донна Анна.
|
Теень арам... Али ашень шарькодь...
|
| Дон Гуан.
|
Ах!
Няйса мон: тинь сембень, сембень содасасть!
|
| Донна Анна.
|
|
|
| Дон Гуан.
|
Сянь што аф монахан мон —
И эняльдян тинь инголент пульзяда —
Простиндамасть...
|
| Донна Анна.
|
О шкай! Вай стяда, стяда...
Китяда мля тинь?
|
| Дон Гуан.
|
Мон павазфтомсь,
Надьямафгом кельгомать мон жертвац.
|
| Донна Анна.
|
О шкабавазкяй! тяса, калмоть лангса
Мезень колга! Арда сельме ингельден.
|
| Дон Гуан.
|
Фкя минута, Донна Анна, фкя минут!
|
| Донна Анна
|
|
|
| Дон Гуан
|
Но решеткась
Пякстаф. Фкя минута.
|
| Донна Анна.
|
Мезе эряви?
Мезь тинь ератада?
|
| Дон Гуан.
|
Еран куломс.
О, кулозан тянёк тинь инголент,
Ловажазень кадык тязк и калмасазь,
Но аф тя прахть ваксс, конань кельгсасть тинь,
Аф тяза, афи малати — а тов —
Коза-коза тяста сяда ичкози —
Кенкшнень малас — порогть вакскас, штоба
Токаль кевезен монь теждя пильгонте
Али платянте тинь, мзярда се
Вов тя гордай калмоть лангу ётатад
Авардьчнемя и кудрянтень новляма.
|
| Донна Анна.
|
|
|
| Дон Гуан.
|
Или ёрамась
Сяда курок куломс, Донна Анна, тя
Еньдя лисема? О, кда ульлень мон
Ендя лисьфокс, эста дялень ёра
Куломдонга, эста ненгя надьялень
Нежнай кельгомаса токамдонза тинь
Кельме седиентень; ёндя лисьфокс
Кда ульлень эста мон ба ветнень
Етафнелень вальмалонт и шорьселень
Серенадаса тинь удомантень;
Дялень карма кяшендемя, мекя лангт,
Няфнелень б эсь прязень теенть коса повсь.
Кда ульлень ёндя лисьфокс, эста
Апак каштордт афолень страданда...
|
| Донна Анна.
|
|
|
| Дон Гуан.
|
Случайсь,
Случайсь Донна Анна, случайсь фатямань —
Ату мзярдонга тинь дялесть сода
Монь ризфу тайназень.
|
| Донна Анна.
|
И кельгсамасть
Кнаркигя ни?
|
| Дон Гуан
|
Кнаркигя, аль аф —
Аф содса монцькя, аньцек ся пингть эзда
И кармань содамонза питненц эряфть,
Нюрькяня эряфть питненц, ся пингть эзда
И шарьхкодиня мон, мезь валсь стамсь павазсь.
|
| Донна Анна.
|
Вордя маластон — тинь ломаньсь пельфтида.
|
