Омбоце сценась
|
КОМНАТА. УЖИН ЛАУРАНЬ ПЯЛЯ.
|
Васеньце инжись
|
Пежеть шкай, Лаура, тяда лац
Мзярдонга тон ненгя ашеть налхконд.
Конашкава шарькодить эсь рольцень!
|
Омбоцесь.
|
Кода цебярьгофтыть! Вийда мзяроль!
|
Колмоцесь.
|
|
Лаура.
|
Да, теень
Тячи сафтовсь эрь движениясь, эрь валсь,
Монь тёждяняста фатнесь вдохновениясь,
Валхне шудесть, шудесть, бта шачфнезень
Аф рабонь ёньць, а седись...
|
Васеньцесь.
|
Афкукс ста.
Да и тяниеньгя ненгя сельметне
Ашесть лотка пиндолдомда, крфса
Палыхть щёка прятневек, аф ётни
Эсот тонь восторгсь. Лаура, маряк:
Тяфтак кельмомя сонь тяка када;
Морак теенек, Лаура, мезь-мезь,
Морак мезь-мезь.
|
Лаура
|
|
(Морай)
|
Сембе.
|
Brava! brava! чудна! Киндигя
Тяфтаня аф сафтови, аф сафтови!
|
Васеньцесь.
|
Пасиба теть, волшебница, тон минь
Сединекень фатяйть плени. Музыкать
Эряфть наслаждениянзон эзда
Сяськи аньцек кельгемась; но сонга —
Кельгемаськя — вдь мелодия... вов вант:
Сонць Карлос токаф, ризфу инжице.
|
Омбоцесь
|
Кодамт вайгяльксне! Мызяра ваймода
Ляки эсост! Валхне кинь, Лаура.
|
Лаура.
|
|
Дон Карлос.
|
|
Лаура.
|
Да, сёрмадозень синь
Теень кати-мзярда вернай ялгазе,
Монь кельгиезе.
|
Дон Карлос.
|
Дон Гуантце тонь
Шкаеньди аф озонды, мерзавец,
А тонць, тонць дурат!
|
Лаура.
|
Али лисеть ёньдя?
Да мярьган мон тянёкигя тонь печкфтемс
Слуганень кядьста, хоть испанскяй грандат.
|
Дон Карлос. (стяй).
|
|
Васеньцесь
|
Лаура, лоткак,
Тят кяжия, Дон Карлос, сон юкстазе...
|
Лаура.
|
Мезь? Мес поединкаса сонь брадонц
Дон Гуан шавсь честна? аньцек мес аф сонь?
|
Дон Карлос
|
Мон глупаян, мес кяжиянь.
|
Лаура.
|
Аха!
Тон тонць ни виденьцят, што глупаят.
Эста мирендатама.
|
Дон Карлос.
|
Лаура,
Муворан, простиндамак. Но содцак:
Аф кирьдян фкя вастса, тя лемть марямок.
|