Вов шинясь ни лиссь,
Валдомсь менельнясь,
Урьфса аварьди
Мокшень од стирьнясь.
Сельме веденза
Снавнякс геверихть,
Сетьмя валнянза —
Кнньди эняльдихть?..
— „Ухай, тидяняй,
Мес юмафтомасть?
Пине козяньди —
Вихца максомасть“.
Кяжи вайгяльса
Аляц крафтозя,
Урьфса—аварьдьфса
Урьвакс максозя.
Шинясь валги ни,
Ушесь шоподи.
Вов Егор арьси:
„Тячи топоди“...
|
|
Пяля вешкада
Яфодсь варманясь,
Козянь кядьалда
Ворьгодсь Натанясь.
Шави сединяц
Мяштенц кепсесы,
Кельгем тидянянц
Тяни аф няйсы.
Вишкста Натусь ласьксь,
Алянц вальмалу,
Тоса сон сувась
Шобда латалу.
Егор ласьконьди:
— „Юмась полазя“...
Натусь слегати
Прянянц повазя.
Олась акша ловкс
Мази шаманяц,
Шулговсь пяштень товкс
Стирень веконяц.
|
|
