|
Эректяма, тазатама,
Колхозникень цьоратама
Тунда марняс пуроптама
Васень Майть минь моратама.
Тядде рана сась тундянясь,
Сыргозьсть туста вирьнятьне.
Пархт колхозса аванеке
Сяда цебярьхть стирьнятьне.
Садса касы топас марлюкс
Таньцтихть мази маренза.
Костянь Дарясь пря вийс сявсь
Ердась ленгянь карензон.
Марька сестрай — мази стирьня
Пяк—ни рана ирьвакс туть
Сянкса, Марька, мон тонь келькте
Мес ударник цьора муть.
Кизоть лодырсь етафтозе
Ширеса лытадондазь
Серонь явома изь кенерь,
Позна пяк—ни стрядондась.
Якай ялгазень мон келькса,
Мялезон тусь кундаф киц:
Сон колхозонок ударник
Пяля тежятть трудашиц
Шинясь пеедсь пантнень вельксса.
Вирь трваса морась чофкс.
Странанеське мезе строяй
Раньше уленьць сице ефкс.
23/VI 1935 г.
| 
