Илядикс валдонц
Шисьни кяши...
Сардокс срафни
Якстерь суронзон,
Бта вярьдя
Фатямс веши...
Чипорякшни
Сельмя кунонзон.
Тоса кепсесть
Якстерь кяльхне,
Туча пакшнень
Ваденць краскаса,
Палозь—палы
Зорять мяштец,
Ацась ляйнять
Мази пракстаса.
Тракторсь учи
Ванясь озась...
Кемя кяца
Руленц шарфтозя.
— Кия мархтон,
Стернят озай?
Айгорть ланкса
Киень арфтолень?
— Настань, Настань! —
Пишкоцть стирхне —
Содазь киень
Ванясь вешенцы...
Сон кунара
Мяленц лихнесь
„Келькса Настать...“
Афи кяшенцан:
Виздезь—пелезь
Настась озась.
„Трат-трат!...“ тракторсь
Переть кадозя.
— Стирнят мора! —
Предколхозась,
Кайги валса,
Мяленц азозя.
Лиссь инголи
Карунь Агась,
— Моратама? —
Кизефць ялганзон...
„Эх, уш паксяня!..“
Валхне таргавсть
Келес лапотьф
Паксять ланганза.
Молихть, морайхть.
Морат лама...
Валхнень эзда
Няевсь эряфсна.
Кона стака
Уленьц ламос...
Тяни срафтовсь
Сире перяфокс.
Ульцять песта
Гармонть коряс:
„...Гармония морака...
Тили-тили
Тили—тили —
„... Паколь апак колакат...
|
Морак, морак гармония,
Морак кефки ладаса.
Дайтя, ялгат, корязонза,
Вайгяльнеконь ладясаськ
* * *
Гармониять коряс йорятама
Кайги сидя моротнень,
Марса вайгяль вийса эрьхцаськ
Трутти шорси нолатнень.
* * *
Нолась лезды классонь врагти,
Арси види ширдень кядькс,
Кона ламаксть пеельхть лихни
Каршозонок шовда веть.
* * *
Конат лама шокшенцть верда,
Сякокс мяльсна тянингя,
Фатясаськ синь пинень нерда —
Иоткованк тяст кялендя.
* * *
Йоткованк, тя пинкнень эзда,
Мзярда лакай марстонь тевсь;
Мзярда тевти тевськя лезды
Марстонь, кемя эряфть лемс.
* * *
Лакайхть кяжса шобда вийхне,
Пейснон порихть попсь, кулаксь
Инксост подкулачникс лихни
Кяленц, наксада нулакс.
* * *
Комсомолецне минь няйсаськ,
Коза ускихть, коса лотксь.
Тяльмоса кулакнень тяйсаськ,
Кода, классонь, машфцаськ прокс.
|
