| СОВЕТСКАЙ ЛИТЕРАТУРАТЬ КОЛГА | 7 |
кона рабочай народть каршес йофсикс лац няеви преступлениятнень эса пяк лофкайста мушендозень салавань преступлениятнень, но думандафт. Шарьхкодеви, што йофси аф случайна Шерлок Холмс явндась Англияса, и сядонга аф случайнно, што гениальнай сыщикть мархта ряцок явондась „вор джентльмен“, кона пяк мудрай сыщикнень кадонцыне дуракокс. Сят, конат шарьхкодьсазь героень полафтомать кода „воображениянь налхксема“, эльбядихть. Воображениясь тиеньди сянь, мезе теенза азонды действительностсь, а сонь эсонза налхкси аф почвафтома эряфть эзда аярфтф фантазиясь, а ся сатомшка реальнай причинатне, конат кошарясазь, например, „правай“ и „левай“ Французскай политикнень налхкомс фудболса „вор-джентльмен“ Ставистскаень трупонц мархта стреминдазь сяньди, штоба тя налхкомаса „кивок афоль холе“.
Художественнай словеснай творчествань сембя форматнень эзда сембода виювокс, ломаттнень ланкс влиятельнайкс лувондовихть драмась и комедиясь, конат театрань сценать ланкса живой действияса штафнесазь геройхнень эмоцияснон и мяльснон. Кда ушедомс Европейскай драмать развитиянц Шексипронь эзда, сон валги Коцезонь самс, Кукольник Нестороньди, Сардуньди и сяда алу, а Мольеронь комедияц прай Скрибонди самс, Польернанди, а миньцонок Грибоедовда и Гогольдя меле пцтай йофсикс юмси. Сяс мес искуствась изобразиндакшни ломатть, то, отта шарьхкодеви, што можналь тиемс заключиние, што драматическай искусствать прамац тейнек корхтай виюфнень юмамаснон (вырожденияснон) колга, конатнень пяк парста няефихть характерсна, сянь колга, што юмась „великай ломаттне“.
Однако тячиень шити самс жифть, здорофт и действондайхть стама типт, кода например, буржуазнай журналистикаса презреннай Терист, мизантроп Тимон Афинскай — литератураса, ростовщиксь Шейлок политикаса, а станя жа Иудась, рабочай классть предателец, лама лия фигурат, конат пяк парста няфтьфть йотаф пинкнень. XVIIце векста сявомок минь шинькеньди самс синь кассть количественна и арасть сядонга отвратительнайста качествас коря. Джон Лоу авантюристсь — цьорошке и пине левкске Устрика авантюрист типть коряс, ставицкаень Ивара Крайгеронь и синь кодямост XX-це веконь пяк оцю жуликнень коряс — Стесиль Родс и колониальнай грабежонь тевонь вяти лия деятельхне аф Кортезда и Позарнада кальдяфт. Нефтень, сталень и лия козяшинь корольхнень ламода сяда страшнахть преступнай VI-це Людвигонь и Иван Грознаень коряска. Южнай Американь йомла респупбликанетнень эса действондайхть ломатть аф сяда афламода афяркайхть кода XIV—XI-це веконь Итальянь кондотьерхне.
Фордсь — Роберт Оуэноньди карикатура аф ськамонза. Пирпонт Морганонь кошмарнай фигурац аш ровнай йотай пинкнень эса, кда юкстамс фкя древнай оцязорть колга, конань клдоманц валозь солафтф золоца.
Лувф типне, конечна, аф аделакшнесазь “великай“* ломаттнень, аф фкакс ащи шиснон, конат тийфть XIX—XX веконь буржуазнай практикать мархта. Сембе ня ломаттненьди аш кода аф максомс синь теест виень и волянь максомада, конат пяк шарьхкодевиста маштыхть ярмаконь лувома, мирть грабама, эсь—прянь козякафтомать инкса марнек нароттнень йоткса войнань тиема и аф ломанень седихть дьяволокс мерзкай работасост. Критикась реалистическай, высокохудожественнай Европань литературась йотнесь и йотни ня ломатьнень вакска, ашезень няйхть и кода бди афи няенцыне синь.
Аф драмаса, аф романца аф мутама минь банкиронь, промышленниконь, политиконь типт, конат улельхть няфтфть искусствать ся виенц мархта, кона мархта литературась максозе лишнай* ломанень“ типть. Сон станя-жа ашезень няфте буржуазнай культурань мастерхнень и тийхнень трагическай и пяк обычнай судьбаснон, — наукать сембя искусствать ширензон, техникаса изобретательхнень сембя ширеснон, ашезень няфте геройхнень, конат тюрьсть нациятнень свободаснон инкса лия масторонь ломаттнень гнецнон ала, ашезь няфте и сембя ломаттнень братстваснон колга мяльшяйхнень (мечтательхнень) стапнень, кода Томас Мор, Кампанелла, Фурье, Сен—Симон и лиятне. Тя сембя корхтави аф кода апрякама. Йотай пинксь аф йофси апрякамафтома, но апрякамс сонь — аш смысла, а ва тонафнемс пяк эряви.
