Декабрь ков.
Тя ковонь ветня,
Седись ласькфты
Кельмот, якшапт.
Эрмань тулупть.
Петьксонц [1] лешня.
Тиезь станя,
Бта акшептф.
Якшамсь вирьса
Кяжда лазы,
Шуфттнень эса
Кайги гайфса.
Эрьмань шьока
Прянза мазыхть,
Мазы веца —
Якшамсь штайсна.
Ве.
Тяшттне оржа сельмот,
Ваныхть Эрмань,
Кона соньцкя
Ваны капат.
Эрма кельмось...
Танцти онцкя
Эрмань эса
Люпштай, тапай...
Но аф мацак
Комсомолец Эрмать.
Лафтунц ланкс.
Берданкасц лапотьф.
Лятьфни: — Мярьксь вдь
Фермать — завоц
„Тоса лацкас...
Пряняцень тят чапотьфт...“
— Пели инксон.
Ну и арьсесь!
Кали вракть
Мон нолдан тяза!
Тишесь кинне?
Минцень, марстонь,
Конань монць
И лядень и урядань.
Якай. Ваны:
Быта тифтець,
Равжа пакшкя
Порать ширес.
— Эх, тя няймок
„Инжи“ лифти!“
„Но!“ —
Цють кулевсь
Эрмань пилес.
- ↑ Тулуп петькс-тя минцонок мярьгихть
апушкати.
|
Няйсы, кода
Равжось шашць...
Вов ни ащи
Капать фтала.
Эрма тулуп
Полхнень штафць,
Кельмя ложть
Пуць шаманц малас.
— Стой! тя кия?
Тяса кия!
Шафтя, пиня,
Шафтя куломс!
„Норак, Эрма,
Тя аф лия“...
Тарнась „инжись“
Эвотьф нумолкс.
— Тя тон?
Тон, кона
Сембе кизоть
Удозь йотафць?!
Тя тон,
Колхозонь нолась?..
Тяфта „инжить“
Эрма потафць.
— Кизонда тон
Кода покать?
Тяни йорат
Салазь андомс
Траксцень? марстонь
Тишеть токамс?
Сави колгат
Ков эряви азомс...
* * *
Тяфтапт ульсть
И нингя улихть,
Конат эськядь
Йорайхть сявомс.
Но трудтти
Пилесна аф кулихть,
Хоть и ули
Мезя эздост няемс.
Но улихть
И пяк лама
Эрмат,
Конат тюрихть
Колхозть инкса;
Конат тевти
Оцю мяльса кярьмоцть,
И шить,
И тялонь ветнень
Пинкста.
|
