Уленьць пингоня
Масторть келева,
Сокай ломаттне
Эрьсесть „сятявста“.
Сембе модатне
Кулакть кядьалольхть,
Сембе заводтне
Баярхнень кяцольхть.
Вели молелеть
„Аш кашт“ молиня,
Ашу ломантти
Ашель воляня.
Кильцы алашанц
Шуфтонь сокати,
Сявсы коськя кшинц
Моли моданцты.
Сьоксес сон соксесь
Сьороц кальдяволь,
Йофси кальдявста
Сон урядафоль.
Кивок ашезь ван
Ашуфнень шири
Аньцек козяти
Кинясь ульсь кели.
Атямакс торазь.
Вию дуця сась
Октябрнь толсь
Сире эряфть плхтась.
|
|
Цебярь эряф сась
Ашу ломантти
Азоркс соньць арась
Козянь модати.
Пуромсь коллектив,
Сась пе сокати
Лама трактор арць
Марстонь модати.
Торайхть атямакс
Од машинатне,
Од машинатне
Сталень тракторхне.
Тяни весяла
Мокшонь од велесь,
Сокайхть тракторса,
Мокшеть тусь тевоц.
Сьороть тялясазь
Молотилкаса,
Зернать усксесизь
Сталень тракторса.
Колхозсь эряй лац,
Лама сьороц шачсь
Ашуть тевоц тусь
Оцю виец кассь!
|
