Арьсят, кистон курок велян?
Аф! А сень самс!
Груа, труа!
Мезя тейнь учема?
Тяса кальдяв тов тума!
Эх, труа, труа, труа!
Тячи, Арефсь, идь нула
Ванды ули дранцякс,
Шарсь эряфсь масланьцякс!
Эх, эх, эх, эх! ха, ха!
Од авань рубаха!
Ава рядонь кукшинь,
Кельгомазень учсинь!
А сон сукась, кадомань!..
(Кшти сиземс, тоса лоткай, тятерьди)
Шары прязе... мадома...
Фу-у! Том. То оом...
(Нувазеви)
Томсь
(Аф весяласта)
Маць. Симсь топоць и пара...
А монь? Монь седиезя сязеви кафту.
Ух, мзяра тя винатне марасть
Лангозон...
Кирдихть, сянкса синь и лафтуфт!
Няйса, вожиятнень норгихть.
Нельксазь, инякуйхне, содаса!
А седись сялги, бта моргу.
Коза, коза мон эсь кизень содаса?..
Аф! Томти шавонь кятть ли яцемс?
Тейнь кундайти велети ли шачемс?
Пуромсть Ванят, Мишат, комсомолецт —
Синь кргазьти йорайхть путомс петьля,
Йорайхть норгомс кяцтон тянинь волять!
Аф! тейст тянь мзярдонга аф учемс!
(Сетьмоста, пялес нувазь)
А мезенкса, кизефтемс, пишкодонь?
Васькафнемат сельмоненди кодан?..
Вандыкигя ланкти сем е* лиси...
Газетась кяцост... седиезя псити...
Да, да, да! Гриняти ни самаль.
Ах, мзяра йоньда Келюнь! Эх, и лама...
Корхтай: „Кулесть йоткстонтт сире атять...
Мзярда стакась мяштезт пинекс фатяй,
Сави тюремс... тюремс, штоба йордамс..,
Гринясь сась? Тя павас? Нолдамс?
Гриняти алаша максома.
Мзярня ули сура марамс.
Но меляфтость, йонюста ащема —
Кда мялентя алякс арамс...
Ну вов, мзярда макссазь питнеть,
Гринять спрафканкса Томть ширес...
Моли Томти — няренц петнемс...
А Арефись фталда пилес.
Мон ся пингти Гринять ширдя —
Ушу. „Караул!“ Стяфтомс велеть...
Вагот ворхне! Лацкась кирдесть!!!
Тяфта... Келюсь... йорай петнень,,.
Кяшемс ветти... цьорась питни...
Гри-и ня... Гри... и...
(Пряц нежеди моркш ланкс и матодови)
(Сувай Гриня Аф ламос ваны Пропкать и
Томть ланкс).
|
Вов кит норгозь кяцтон волять!
Вов кит панихть эсон велеть эзда!
Салсесть синць, а монь ланган нолязь
Сембонь. Вятьнесть суттнень эзга.
Судендамазь. Тяни пелезь кяшентть,
Кода пинеда кяшенди эрь нумолсь
Арьсесть Гринясь пеньок ташта пяшень.
Конань питнесь воронь лемса куломс.
Аф! мон срафца сембя пизоть!
Келюнь ширесь — аф минь ялгань мяльхня!
Аф тейн, а тейст лебонц пезомс!
Штоба ашусь пильгя ланкста праза
Кона лама паксянь тевса уронць,
Келюсь йорась алашать прважамс,
Танга саламс калхозть сембя суронц.
Тяни монь синь йорай шалхкта вятемс,
Вешфтыхть спрафка алашать прважамс,
Конань вельдя китнень йорайхть кяшемс,
Штоба сюлмось улель кемя, таза.
Норак, тячи пови Келюсь!
Тячи оцю пользатненди козкстай.
Мезя арьсень — аньцек тяни келевсь...
Аф аф улемс пизоти колхозса!
Мархтонь сайхнень ярмаксна вов тясот,
Тяни учсест эсон веле песа...
Тячи, вестькя, веснень мон утясайнь,
Тапарьксть эзда лихтема ни кесак.
(Вальмава ваны Матя и туй, Гриня няезя)
|
