| Монь пара арсемане. | И. В. Мичурин.
|
| КОЛХОЗНАЙ ОД ЛОМАТНЕНЬДИ. | |
Трудяй ломанень итть, од пролетарият и колхозникт! Сьормацан мон теентть тя сьормать, мон пяшксян цебярь мяльдя сянди, што пинксь работай тинь лангозонтт сянькса, што цебярь тинь од пингонтте эрямасонт ушоды клазфтома обществаса, мзярда труць арай цебяренди и кельгоманди.
Монь эрямазе йотай саца. Сянкса и мон шарфца тинь цебярь мелентень пиже касыкснень мельге якама работать ланкс и садонь водяма тевти, тя эрявикс народнай хозяйствань задачатненди.
Мзяра меляфтан мон эсь ланксон, мон ялан улень пяшкотф анцяк фке мяльса-касфтомс касыкст (растеният). Йомла итькс пинкстон мон мяляфцак пандене ланкс вицсекшнень сал, и надиень што сон лиси. Меле мон шарьхкодень, што прастойста растениень касфтомась аш кода, мон шарьхкодень, што ломантти аф эряви тиендемс танга сянь мезе тисть лия ломатне, а одукс тиемс растениеть шачеманц, кошардомс сонь сяда лац сатомшка пяшкодемс ломаттнень вешфксснон.
Мон аф карман азонкшнеме теентть сянь колга, кодама сатфкст мон сатонь лама кизонь пес, эсь кеме трудозень мархта и оцю мяльса работамазень мархта. Азсан анцяк, што ся васца коса мон эрян и работан (Козлов ошть маласа) суровай климатическай условияса, тени пяк лац шачихть перень сьоротне и имошне марьхть и грушат, абрикост каштатт, грецкай пяштть, понав кстыхть (крыжовникт) инизихть, инь цеберь шукштуруфт, рана кенери дынят, розатконат ваенди пархт виногратт, папироскань табакт, актинидат миндальхть, нинге сяда баш ка вицсивихть персикт и лие растеният, конатнень колга нльня крайсонок аф содасазь.
Мезе жа эряви тиемс эрь пионерти тонафни иттненди, йомла пролетариатненди и колхозникненди?
1. Васенцесь — учительхнень мархта эрявихть тиемс школатненьди, а нинге сядонга пара кда совхосне нинге и колхоснендиге, опытнай садт и перет, конатнень эса касфнихть синць тонафни иттне дикай марьлюнят, грушакст, сливакст вишнхкст кочкамс эрявихть стапт конат, кирьдельхть якшамс курок кенерелхть и сявомс синь эздост цеберь качествань плодт и кстыхть.
2. Омбоцесь — тонафнемс цеберь видьмонь кочкама; сянкса эряви пуропнемс школатнень совхоснень и колхоснень эзга селекцнонна—хозяйственнай кружокт.
Башка мяль эряви путомс агротехникань тонафнемать ланкс: тонафнесть цебярьста и оцю сатфкс мархта работамс машинатнень и сембе орудиетнень модати, кандомс удобрение, оду тиемс почвать сокамс, инзамс и кочкамс урожайть и стак-тов.
3. Колмоцесь ялан кочкамс видьмот и цеберьста синь анокламс видемс, ванфтомс и стак-тов
Теенть иднят, эряви содамс, што ков лама видьмода, тов сядонга лама и келеми селйкционной вицефсь и лама питомникта, то сяда оцюфт сатфксне.
Тяни пцтай сембе масторланкти аф сатнихть кстыень-плодонь видьмотне, кода перень и бахчань сьоронди. Нят аф сатыксне арсихть сяс, мес апак ладякт видьмонь водяматне.
Иднетне тя тевса тиельхть ба пяк лама, кда эрь совхознай-колхознай школатнень эса улельхть синцень аф оцю видьмонь хозяйстванясна и кда тинць тонафни иднят и пионерхт; мзярда порьхтяда грушада, сливада вишняда куярда, арбузда, дыняда и лияда афолесть йоря видмоснон лаханц, а каннелесть школав.
4. Нилецесь — эряви ладямс од касыксонь вешендемать од културанди,
Марнек мастор лангса пяк лама растенияда — лама миллион синь лемдост. Но ламанць нинге синь эздост содай пяк кржа.
Теенек пяк лама эряви промышленностти. Перень сьоротне арсихть васенце эрявиксокс минь ярцаманьконди. Всякай плодтне и кстыххне максыхть ломантть организманцты лама питательнай веществат, ванцазь сонь лама урмаса урмаскодомада, — нят витамиттне.
Пяк оцюфт минь культурай вешфксонке. Пяк ужяль, мзярда оцю ошнень эса иднетне касыхть кев ланкса, пулю тратуархнень ланкса, пцьтай аф няендихть пиже лопаневок.
11
