Page:Ичкиздень масторхня (А. П. Гайдар, 1933).pdf/59

From Wikisource
Jump to navigation Jump to search
This page has been proofread.


пирхть сатня, коса видевсть мази и пяк аф шавийхть убогай Алёшинать ланкс прасторнай и привольнай велет.

А сяда тола, паксять фтала, видя кели валда манить тарадонзон ала, гордайста касыхть сери могучай заводонь трубат. Пиндолды вальмятнень эзга няевсть калёсат, толхт машинат.

И везде ломатьня, бодрат, и весялат. Эрь ломанць заняф эсь тевсонза — и паксяса, и велеса, и машина тейса. Финцня работайхть омбонцня шумордазьни работаснон и ваймосийхть.

Кати кодама аф оцю цёраня, аф пяконя шави Припрыгин Павликть ланкс, но аньцек аф тяфтама вадентьф, кеподезя прянц, кельгозь ванонцы менелть, конань эзга валомня моли кувака стремительнай дирижабль.

Васькась вальда сельмочнесь сянди, што тя рахай цёранясь шавсь Припрыгин Павликть ланкс, а аф сонь, Васькать.

Но омбоця плакатт ужеса — пяк ичкизя, ся ширеса, ков кемоста ванць и ванондозя тя ичкиздень масторть якстерь армеецсь, — улсь тийф (рисовандаф) мезя-бди тяфтама, што вальда возбуждандакшнезя Васькать, мутна и аф шархкодеви тревогаса.

Тоса тиендевстть равжа келептьф жильфт. Тоса улсть тийфт кяжи, аф цебярь ломанень очертаният. И кода бта кия-бди ванць тоста пристальнай аф пара сельмоса и учсь, мзярда туй или шаркстай якстерь армеецссь.

И Васькась пяк кенянчнесь, што ёну спокойнай якстерь армеецсь ковонга изь тушонд, изь шарксня, а ванць тов, ков эрявсь. И сембонь няезень и сембонь шархкодезень.

Васькась прокс-ни матодовшнесь, мзярда кулезя, кода галдоргоць кенчскязь: кие-бди сувась синнь бутказост.

Минутта меля, юваць теенза мамац.

— Вася... Васька! Тон удат штоли?

— Аф мамай, аф удан.

— Тон изийть няй тячи Петькать?

— Няия аньцек шудава, а сяда меля изия няй. А мезенди сон тейть?

— Сяс мес, сашенць тяни мамац. Юмась ненгя абетта инголя, и тя пинкс сембя аш и аш.

Мзярда мамац тусь, Васькась пичедезевсь. Сон содазя, што Петькась аф пяк храбрай, што-ба якамс веть. И сянкса сон коданга исця шархкодь, ков молсь сонь непутнай ялгаць.

 

55