Page:Ичкиздень масторхня (А. П. Гайдар, 1933).pdf/58

From Wikisource
Jump to navigation Jump to search
This page has been proofread.

няйма, аф эряйшка кенордама пачк тиендевсь фкя тевсь омбоцеть меля. Эрясь раз’езць тихайста. Эрясь Алёшинась тихайста. И эзк кода-бта кодама-бди волна ичкизя сась и сей пачкоць, сатозя и раз’езть и Алёшинать. Калхос, завод, платина, од куд... Сембя тя тевсь смущандакшнезя и мянь эйфнезя эсь оцонза, необычайнозсонза клёк пяк эсь стремительнозсонза.

— А афкукс-ли, Григорий, што сяда цебярь ули? — кизефтезя сон, растроеннай и растеряннай. — Осал-ли, цебярь-ли, а эрямя минь да эрямя. А эзк осал ули?

— Пандя тейть, — корхтась уторозонза аляць. — Пандя ашкодмода, Катя... Визкс. Яжат, тонць аф содасак мезя. Рази сянкса миннь тяфта тиендеви, што-ба осал улель? Тон варжак лучи Васькать рожанц ланкс. Вона сон ащи шельмась, и кургоц токай пилезонза. Ёмбла ненгя, а и то шярхкоди, што сяда цебярь ули. Тяфта штоли, Васька? Но* Васькась мянь изь му мезя теенза отвецямс, и аньцек аф корхтазь шюкадезя прянц.

Лама од ёнда, од кизефкста улсть сонь аф спокойнай прясонза. Станяжа, кода и мамац сон дивандась сянди, кодама курок лиссть событиятьня. Но сонь исця эйфня тя куроксь, — сонь мялезонза, кда машинать стремительнай ходоц арды ичкиздень масторхненди.

Сон тусь сушилав и яцесь лямбя авцинань ор алу. Но сон изь уда.

Ичкизя кулевсь аф лоткси галдордомась доскань ёрямать эзда. Кыжнась маневровай машинась. Цингорцть фкя-фкяс токси буферхня, и кати-кода тревожнайста марявсь стрелочникть сигнальнай турамац. Лапазть сязф досканц пачк Васькась няйсь сускомня валда равжа-сенемя менель эзда и колма валда тараду тяштть.

Ваны нят марса комотни тяштнень ланкс, ляць Васькать мялезонза, кода аляць надиязь корхтась, што эряфсь ули цебярь. Сон ненгя сяда пяк ашкордась орть потмос, конезень сельмонзон и думондай: «А кодама сон ули цебярь?» И мес-бди ляць мялезонза плакаць, конаць улсь пондаф якстеря уженяса. Оцю смел якстерь армеець ащи столба вакса и, нежечнесы пяк цебярь винтовкать, оржаста ваны инголи. Фталонза пижя пакся, коса тюжалгачни туста сери розсь, коса панжийхть оцю апак

54