Page:Ичкиздень масторхня (А. П. Гайдар, 1933).pdf/57

From Wikisource
Jump to navigation Jump to search
This page has been proofread.


Тя думсь ненгя сяда пек кемокстась Васькать пряса, сяда меля, кда ляць сонь мялезонза, што ётай рядня Петькась васькафнесь теенза, кода-бта якась кардону тётанцти. А тоса сон ашель.

И тяни пцти верондазь эсь подозрениязонза, Васькась кемоста веши тиймос Петькати допрос и кда мезя шавмос сонь, штоба тяфта афоль тиендя.

Сон тусь куду, и ненгя кудингольста кулезя, кода аляц и мамац вишкста мезень-бди колга спорьвондасть.

Пели, кода-ба псить пачк теенза афоль сат мезенкса-нябуть, сон лоткась и кулхцонды.

— Да кода-на тяфта? — корхтась мамац. И сонь вайгяленц колга Васькась шархкоць, што сон мезса-бди кяжияфтф. — Хоть стряндамс кадольмязь. Модамарьдя кафта мерат озафнень, куярда колма пантть. А тяни, кода няеви сембя юмасть.

— Эх кодамат тон права, — кяжиякшнесь аляц. — Неужели кармайхть учсема? Учтам, пажалы, ну мярьгомс мзярда Катеринать куяронза кенерийхть. Тяса ваготнень аш ков шамнемс, а сон-куярхт*. И мес тон, Катя — тяфтама чудноят? То сялондоть: и пянакуць будкаса осал и аш коса шаркстомс, и алня, а тяни ужаль теенза буткась. Да катк сонь тапасазь. Тостонга тов молеза.

«Мес куярхня юмасть? Кодама ваготт? Кия кармай буткать тапама?» Шаракацть ёнонза Васькать и, чаясь кати мезя аф цебярь, сувась куду.

И ся мезя сон кулсь, ненгя сяда пяк машфтозень ёнонзон, васень тевть коряс, заводонь тийма тевть коряс. Синнь буткаснон тапасазь. Участкать ланкс, конань ланкса сон ащи, тийхть запасной кит, постройканди усксемс груст. Ётама кить канцазь лия васц и тоса тиихть тейст од куд.

— Тон шархкотьк, Катерина, — няфнезя аляц, — рази тейнек тяфтама бутка тиймос? Тяни вдь аф ингольдень пинксь, штоба ваныйхненди тиймос кодама-бди пинень пизот. Тейнек тиихть валда, оцю куд. Тон кеняньчнелеть-ба, а тон... куярхня, куярхня!

Мамац салаваня шаркстась эздонза.

Кда-ба тя аноклакшневоль валомня, кда-ба тя праль лангознок аф вдрук, то сонцкя кеняндель кадомс ташта, пялес калада и тесна конурать. Но тяни эйфнезя сонь, што сембя тиендевсь и шашць кати-кода пяк вишкста. Эйфнезя ся, што тя тевсь аф

53