| Социалистическай жуватань водямать инькса. |
Жуватань водямать касфтоманц и вишкоптеманц колга кизефкссь, минь обласьцонок занци пяк оцю васта. Сон ниньгя пяк оцю васта занци сяс, мес 1928-29-це кизоня коллективизациять ушодомок кулачнствась печксезень эсь жуватанзон и вяць вишкя агитация, трудяй сьора—видихнень йотксонга, штоба синьгя печкселезь эсь жуватаснон. Тя канць пяк оцю убытка жуватань водяма тевти и тяда меле жувататнень лувкссна пяк ламода кирсь.
Но тяни облазьсонок велень хозяйствань социалистическай секторсь танга кярьмоць жуватань водяма тевти. Тяни минь улихть жуватань водяма совхозонекя, колхозонекя и колхоснень эзга пуропневихть МТФ-т и СТФ-т, конатнень эса касфтыхть лама жуватат.
Минь обласьцонок Октябрьскай революциять 14-це кизонцты пуроптф 158 Лофцонь товарнай фермат, конатнень эса 15 810 тракс. Тяда башка минь пуроптф 118 тувонь водяма товарнай фермат, конатнень эса 5000 тува.
Тя корхтай сянкса, што Октябрьскай революциять 14 це кизонцты минь жуватань водяма кизефксса улихть кой-кодама сатфксонекя. Тя корхтай сянкса, што миндейнек ули кода надиямс ингольпяли жуватань водяма тевть вишкоптеманц ланкс.
Афсатыксонди эряви мувомс жуватань марс топтома тевть лафчста молеманц. Тя пинькс тя тевть ланкс лама колхозга аф шарфнихть эрявикс мяль. Октябрнь революциять 14-це годовщинастонза сявомок тя тевса эряви тиемс вишкя перелом.
Жуаатань* водяма кизефксть мархта кемоста содонф кормань шапафтома кизефкссь. Тяса вов-ни минь кальдявста ащи тевонекя. Штоба вишкста мольфтемс жуватань водямать, эряви жувататненди сатомшка корма. Вов тя шшренекя минь ащи лафчста. Кормань шапафтома планць обласьцонок пяшкотьф аньцен* 61,5 проценц.
Октябрьскай праздникть эряви тиемс вишкя перелом социалистическай жуватань водяма тевса. Эряви шарфтомс пяк одю мяль соцйалистическай жуватань водямати.
