| ГЕРМАНИЯСА. |
Дуссельдорфса (провинция) ульсь вию демонстрация, конань пуропнезь рабочайхне фашисттнень каршес. Палициясь врьгяць рабочайхнень ланкс и кармась ляцендема ружьяста, кафта рабочайхть шавфт куломс, лама рабочайхть и работницат стакаста ранендаф.
Рабочайхнень ляцендемасна курок кулевсь сембе ошти и тийвсь оцю возбуждение рабочайхнень йоткса, илятти ошса ульсь тийф осоднай положения.
Илядень и вень перьф ульцятне ульсть заняфт полицейскайнь отряца. Полициясь сьолгонфтозень сембе вальмятнень.
Северингсь — внутреннай тевонь министрсь макссь приказ, штоба полициясь „работаль“ рабочайхнень каршес „сяда виюста“.
Берлинскай полициянь начальниксь Гржезинскись, кона ащи социалдемократическай партияс макссь приказ, штоба афольхть уль „кодамовок“ демонстрацият.
Коммунистическай „Роте—Фане“ газетась корхтай, што приказсь лоткафни аньцек рабочаень и работницань демонстрациятнень эса, конат эрявольхть пуроптомс нят шитнень эзда отведонди фашисттнень и полициять пинекс шиснон каршес.
Англияса.
Англияса март ковть 9 шинцты безработнайда лувондовсь 2 миллиотт и 692 тьожань ломатть, а сяда ингольдень неделять ульсь 2100 тьож. ломатть.
Империалисттне веры нярь пинекс фатнихть Совецкай Союзти.
Японияса тийсть покушения СССР-нь торгпретть ланкс.
|
Японияста телеграфнай агенствась тяшти: „Ранендаф Японияса ащи СССР-нь торговай представительсь Аникеевсь“. Ляцись нолдась вете пулят. Колма пулятне повсть Аникеевти фкясь — види кядезонза, омбоцесь мяштезонза, колмоцесь пильгозонза. Аникеевть ланкс тийф покушениесь корхтай сянь колга, што империалисттне кирьдихть заговор СССР-нь ланкс, и няфнесы нингя, сянь што империалисттнень пяк аф йонозост ся, кда дружнаста эряй Япониясь СССР-ть мархта. Японияса покушениясь Аникеевть ланкс тийф сяс, што Совецкой Союзсь ашезь мярьгя Японцянь калонь промышленникненди калонь кунцемда совецкай веттнень эса. Тянь колга винендось ляцись. Но СССР-сь учи сянь, штоба отвець тянкса путомс аф аныцек* ляцить ланкс, но и сятненгя, кия лезць и кия аноклась тя покушениять эса. |
Вов кодама „культура“ вяти буржуазиясь. |
