| ОДУ ЛАДЯМС ГРАМОЦ АФ СОДАМА ШИТЬ МАШФТОМАНЦ |
Велень советненьди эряви улемс руководителькс грамоц аф содама шить машфтома тевса
(ВКП(б)-нь ЦК-ть постановлениястонза)
Народнай хозяйствать социалистическай кити ладямац и трудяй массатнень культурнай шиснон кеподема мяльсна, мярьгоньди сяда решительнайста вятемс работась грамоц аф содама шить машфтоманц колга.
Сянкса ЦК-сь лувсы эрявиксоньди оду ладямс работать сембе системанц йотафтф опытнень коряс и йотафтомс грамоц аф содама шить машфтоманц колга работать фкя планца, марсонь вийса и средствань пуроптозь и сембе организациятнень лездомаса.
Сявомс культпоходонь опыць
Грамоц аф содама шить машфтома работаса, эрявихть сявомс ва кодама кепотькст и культпоходонь работастонга:
а) Пуроптомс грамоц аф содамать машфтоманцты ВКП(б)-нь члетнень, комсомолецнень, пролетарскай студентнень, 2-це ступень школава старшай группаста тонафнихнень, просвещенецнень и лия группань совецкай интелегенциять ошса и велеса, ладямс руководствась синь работаснон мархта. Тя работать фкакс лувомс партийнай, комсомольскай и общественнай нагрускать мархта.
Пуроптомс содействиянь группат ошонь и велень советнень эзга, школатненьди общественнай ваномат, аф грамотнаень и лафчста грамотнаень конференцият и ст. тов.
Йотафтомс грамоц аф содама шить машфтоманц станя, штоба работась улель сотф массовай, политико-просветительнай работать мархта, конань коряс ба тиеньдемс общественно-политическай темаса беседат, лекцият, и ст. тов.
Работась касфтомс кафтонь крда
2. ЦК-ась мярьгоньди партийнай, совецкай и профессиональнай организациятненьди, и станя же ОДН ти сяда решительнайста кеподемс и келептемс грамоц аф содамать машфтоманц колга работать, фатямс васеньце очереца ошова индустриальнай рабочахнень и пролетариатть, велева — батракнень, совхозонь рабочахнень, сезонникнень, беднотать, колхозонь члетнень. Путомс задачакс: машфтомс грамоц аф содамать индустриальнай рабочахнень йоткса киза кувалмоти, совхозга рабочахнень и колхозонь члетнень йоткса кафта киза кувалмоти. Лувомс эрявиксоньди тонафнемась йотафтомс индустриальнай и велень хозяйствань рабочахнень йоткса кизос коря сяда сиретнень йотксонга (35 кизоса).
1929 — 30 кизоня келептемс работась культпоходть результатонзон коряс кафтонь крда и келептемс лафчста грамотнахненьди школань сетть.
Кемоняста ладямс руководствать
Грамоц аф содамать машфтоманц колга марстонь работаса, партийнай организациятненьди эряви цебярьняста ладямс работать вятемаса руководствать и кемокстамс партийнай вийса нят оргатнень, конат вятихть работа грамоц аф содамать машфтома тевса (комиссиява, советка, ОДН-га, и тонафнема тевонь отделхнень эзга).
ВЛКСМ-нь организациятненьди эряви сяда келиняста ладямс тевсь, эсь членонзон практическай работати пуроптомаснон колга.
Ошонь и велень советненьди эряви ладямс грамоц аф содамать машфтома тевса руководствась и пуроптомс сонь перьфканза совецкай общественностть.
Профсоюзонь организациятненьди сяда вишконяста эряви вятемс работа тя тевса. Вешемс помещеният, лездомс работатненьди культфондцта средствань максозь и ст. тов.
Аф аппаратонь методса, а общественностть вельде
Эряви азомс, што „долой неграмотность“ обществась йотафтозя эсь работанц сьолкфста, аппаратнай методса и изь машта пуроптома совецкай общественностть. Мярьгомс ОДН ти оду тиемс работасонза методтнень, путомс основной задачакс ся, штоба сембе совецкай общественность пуроптомс грамоц аф содамать машфтоманцты. Сядонга оцю задачакс лувомс велева работать келептеманц и ст. тов.
Кеподемс работать национальнай областьга и советнень йоткса.
Сяс, мес восточнай республикатнень и областень населениясь грамоц аф содай, а станя же аватневок, сянкса путомс грамоц аф содамать машфтоманц основной задачакс нят районга сембе культурнай работатнень эса.
Восточнай республикава, областьга, нацменьшинстватнень йоткса грамоц аф содамать машфтоманцты пуроптомс ВКП(б) нь члетне, комсомолецне, рабочахне совецкай и кооперативнай активсь, пуроптомс башка школатьненьди, а станя-же анокламс ликвидаторхт.
6. Башка мяльса эряви вятемс работась аватнень йоткса. Эряви, штоба грамоц аф содамань машфтомасна синь-улель ладяф станя, конань коряс ба вятельхть работа кудонь хозяйствасостка и ст. тов.
Лафчста грамотнахненьди газета
7. Лувомс эрявиксоньди — лифтемс декрет допризывнай возрастть обязательнай порядкаса тонафнеманц колга.
8. Мярьгомс Госиздатти и Центриздатти эсь времастонза сяда уцезста нолдамс 1929-30 кизоньди эрявикс букварьхть, учебникт аф грамотнахненьди, а станя же общественно политическай и лия литература.
Мярьгомс ЦК-ть АППО-нцты арьсемс кизефкссь 1930 кизоньди лафчста грамотнахненьди эрь недляня газетань нолдамать колга, максомс директиват печатти сяда келиняста азондомс культпоходть опытонза и од методонза грамоц аф содама шинь машфтома тевса. Нолдамс массовай брошюрат нят кизефкснень колга.
9. ЦК-сь мярьгоньди аф лафчептемс и аф кирьфтамс вастонь и государственнай бюджетонь средстватнень 1929-30 кизоньди, касфтомс ассигнованиятнень лятф райотненьди (ЦЧО Средне-Волжски области) и восточнай национальнай республикатненьди и областненьди.
