Майть 1-ця шиня
(Морамс „проводыть“ лаца).
Письмарсь морай шовдавань,
Мази мора.
Стяка ава, стяка аля,
Стяка цьора.
Вантта шинесь модати,
Йордась валда.
Кожфкясь аруняста сай,
Вирьнять фталда.
Течи майть васеньця шиц,
Сянкса лембе.
Аф почерды пиземнясь,
Алу, вярде.
Течи празднеконеськ миннь —
трудендаень.
Дайте марса моратама,
Мора — маень.
Флаkт сяфтяма кядезонк,
Якстерь котфонь.
Листе ульцяв сокай аля,
видептк копцень.
Кадык ваныхть лангозонк,
Пинень тюсне[1].
Веронь потей козятьне,
Инекухне.
Козятьненьди мерьгтяма,
Конат кирдихть
Лишнай сьора утомса,
Осалс лездыхть.
Тиньне теенк аеркстада
Веронь симихть,
Вай, трудеень кяденькя,
Миньня вийнхть.
Покай, сокай видептка,
Ливзю копцень.
Азка веронь сичити,
Сацаськ шотцень.
|
| М. Безбородов.
|
|
|
