Матта цьораняй
Матта мазиняй,
Кадомак кштирьдян.
Теет панарне,
Акша шаманяй,
Кизонда кодан.
Ськамот цьораняй,
Лефкскяй йолманяй
Моньня идезят
Вай тялонь шитьнень,
Кувака ветьнень
Корхтай ялгазят.
Тоньня аляця,
Идней тряйнеця,
Пек досадамазь.
Мази аванкса,
Якстерь шаманкса
Лефкскяй кадомазь.
Эряфсна пара,
Ярмаксна лама,
Кафцке тонафнефт.
А минь щамненькя,
Жуватаненькя
Кши лангс полафнефт
Седиця коли,
Кода тевсь моли,
Цьолак аляса.
Киза тонафнихть,
Сельмосна панжихть —
Мокшот авасна.
Аф кельгофтама,
Мес мокшотама,
Идняй кацамазь.
Равжа нужаста,
Валда эряфти
Аф таргасамазь.
Идьняй тяфтама
Алядя лама
Миньня ширесонк.
Газета вельдя,
Цьорай перфпельдя,
Кульхтям пилесонк.
Идняй кастада
Тонафтфт ультяда
Тень лангс ванода.
Шовдас аватнень,
Йолма шабатьнень
Тяда кадонда.
М. Безбородов.
Сьорматф январь ковть
1929 кизоста.
|
[ Певцовть Д. рисунка ульсь тяса, нардови тяста
сяс мес кардасамазь путомс сонь тяса. ]
... Кадомак кштирдян, акша панарне кизонда кодан.
