ВАЛДА ЯН.
Наукань коряс тийфня.
Куйнь ядста противоядиянь анокламать колга.
Минь вирьганок куйда аф лама, а тага сяда шуроста марьсеви куень сускф ломатть.
Тропическай вастова, к‘да сявомс кепотьксонди Индиясь, то тоса эрь кизоня пяк лама юмси ломань куень сускомать эзда.
Индус ломатнень оцю пялесна тя куень сускомати ваныхть кода судьбати, конань эзда синь мяргихть кодонга аф вановат.
Европеецня тяфтама веровандамать ланкс аф ваныхть Сяс синь кунаркигя вешеньдихть стама средства, конань мархта пчкафтоволь куень сускф ломанць. Муф куень ядсь, ся ятть эзда кельмя веронь животнахнень коряс ломанць сяда курок кулы. Сиря ломатненьди ятть эрьгац сяда вишкя нетошта од ломатненьди.
Пяк ярашты содама сяц, што куйть ядоц кулофцы ломанть эста, мзярда сон угадей веронц йоткс, а к‘да сон нилемс ломанть потмозонза, эста мезевок аф ули, мес ломанть потма соконц эзда юмай сонн ьвиец*.
Тага нят ядтнень кальдявсна вага кодама; што фкя куйсь сусксы ломанть, сонь нерванза кадявихть, омбоцесь аф максы вайме таргамс и тага колмоцесь ломанть веронц аделай.
Тяни куень ядть каршес вятихть стама работа, кодама дифтерица и скарлатинаса сярядемать мархта. Лиякс мяргемс, ядть каршес тиихть яд, конаньди лиякс мяргемс антитоксин или противоядия.
Кода тяфтама противоядиять тийсазь?
Куйть нолнесазь клеткать пот-
моста кияксть ланкс и байдекса (манца) липшнисазь сонь прянц, а пулонц липщнесазь пильгса. Сяда меля сонь прянц сявонцазь кяца, станя, кода-ба соньдиенза афоль сусков ломанць. Тяда меля сонь ядонц налдасазь клянцеконь посудас.
Куйть эзда таргаф ядть меля шовордашнесазь стама состав мархта, конаньди рузкс мяргихгь „соли кальция“. Ся шовордаф куень ядть эзда аф лама нолнихть алашань кедь потмос; коса сон ащи 12—18 ков, кона времати тоса ядсь касы. Тняра времать йотамда меля, алашать эзда сявоньдихть 5 литрат вер, конань йоткста тиеньдихть 3 литрат сыворотка или лиякс мяргемс стама вер, конань эздя сявфть веронь веществатня. Эста меле куень сускф ломантть кеденц потмос нолнихть тяфтама сыворотка, конац вельмофцы ломантть куень сускомать эзда.
Радио-сь пярафненьди (глухойхненди).
Лама ломатть ни содасазь, што улихть радиот, конатнень вельдя можна корхтамска и кулхцондомска; но тя пинкс радиоть вельдя можналь аньцек кулхцондомс сят ломатненьди, конатнень маряхть пилесна.
Тяни, няйсак, тийсть стама телефононь радио—аппарат, конань трубканц потмос пуромихть сембя вайгяльхня. Синь пуромихть трубкать потмос сяс, мес сонь эзонза тийфть стама соскат, конат фкакс ащихть шабатненьди макссема резинкань соскакс.
Тя трубкаса корхтама способсь лиссь пяк удалафста сонь варжамстонза фкя оцю вишкста корхтай радио станцияса. Тянь коряс тяни кармайхть кулцондома пярав ломатневок, конат тепинкс радиоть вельдя ашесть марся.
Тяфтама радио-телефонць пякь цебярь, сон вельденза лама пярав ломань кулхцондыхть цебярь корхьнемат.
Верть эземс — морянь ведь.
Аф кунара Одезса государственнай медицинскай Институца, фкя дохторсь: — Цыганов, тийсь пяк интереснай и цебярь открытие, конань коряс морянь вець лисеньди пяк эрявикс жуватань и ломаннь пчкафтомс.
Морянь ведть шовордамстонза аф лама ламбама ведь мархта, сонь эстонза лисеньди стама раствор, кона эряви жуватань и ломаннь потма пчкафтомс. Тя ведсь максы польза, мес сонь эсонза лама салда: калия, кальция, магния и лия веществат. Ся шоворцаф растворть, химическай составонц и тюсенц коряс, ломаннь верть мархта ащи фкакс.
Цыганов дохторсь лувсы, што сембя азф веществатня моряса эряй животнахненди эрявихть кода модать ланкса ломатненьди воздухсь. Тийфь опыттня пяк яраштыхть медицинскяй работаса сяс, мес тя растворть мархта можна полафнемс ломаттнень версна. Если тя морянь ведсь тага весть тийфь опыцта можна ули нолнемс ломатнень потмос, то дохторнень кядс максы цебярь и уцес средства, конань коряс можна любовай времаста прибавамс ломантти вер.
Кяца керема пилать колга.
Аф кунара Германияса тийсть пяк интереснай кяца керьма пила, конац пяк цебярь ся пяльдя: сон маторфтома работай и мархтонза можна работамс фкя ломанньди. Путневи сон крандаске ланкс, конац аф стака усксемс ломантти шуфтть ваксс, кона эряви керемс.
Пилать инголя улихть стама приспособленият, конат шуфтть керемстонса кьрцазь стволонц. Сонь тяфтама устройстванц мархта можна керсемс пяк эчкя шуфтт фкя ломаннди.
А минь пиланеконь эса уштомс пеньгятневок фкя ломаннди аф керевихть.
Тяфтама пилась пякь ярашты минь совецкай Союзсонок вирень хозяйствати, коса вирьда лама, а электричестваса работай пиланекя аш.
