GLAMOUR
буржуа чилекъян,
флёр сяська магазин,
гудыри, ныл келян,
parfumerно бензин.
бам вылэ лыз тузон.
шобрет луоз тӧдьы клеёнка.
солы кельше та горд комбинезон,
нош пиджакын мон Франсуа Миньон кадь.
кафе пушкын мон юысал бордо
но малпасал: кыӵе юмшан та эль.
пурысь пилемъёсын бӧрдом.
– Ӟеч лу, Dior.
– Ӟеч лу, Chanel.
|
ИДЕАЛЬНОЙ
Тон лэзёд Depeche Mode
Но куасьмод.
Коэльо лыдӟыса,
Пальпотод.
Кеськонэд тынад:
«No pasaran!»,
Нош кияд – гурсуран.
Урамын – шыпытлык,
Кесямын ни колхоз.
Сӥзьыл зын, шашлык,
Выль улон нош вуоз!
Бабылес йырсиё,
Синъёсад – гуашь.
Мон тонэ сиё,
Тон мынам, идеальной нылаш.
|
