МАТЭ
Матэ. Матэ.
Синме тыл мальдытэ
Каллен. Шыпыт.
Пеймыт но шырпы
Ӝуа. Ватэм.
Матэ. МА тэ.
Мари эл мариэл мари эл.
Элоиза, Эмма, Мари,
Мари эл
Йошкар-Ола.
Йоратэм йо je t’aime.
Ой Алла!
О, йӧтэ!
|
ЛОБӞЫ
Лобӟы, лобӟы, мынам сузэре,
Четлыкед чигиськиз. И всё.
Куазь чылкыт но ыркыт,
куазь зоре.
Мон туннэ хан-Чингиз, мон Басё.
Лобӟы, лобӟы, Инмар понна,
Тон азьын – омыро бесмен,
Мон юо пичильтык вина,
Выж вылэ пуксё, Будда сямен.
Нош куке чияпуэд сяськаялоз,
Тон эн вунэты, так гинэ:
Сюлэмын нылмуртъёс туж трос,
Нош тодам мон ваё ТОНЭ...
|
