Page:'O Munasterio.pdf/55

From Wikisource
Jump to navigation Jump to search
This page has been validated.

57

Cuntrora

A nervatura mia cchiù nun m'aiuta,
me se chieieno 'e gamme ogne mumento,
poco ce veco cchiù, poco ce sento,
vi c'ata malatia ca m'è venuta!....

Mme sento int''e denocchie e dint''e mmane
na debulezza curiosa assaie,
e, da che suonno io nun teneva maie,
mo' durmesse 'e ghiurnate sane sane....