Page:'O Munasterio.pdf/39

From Wikisource
Jump to navigation Jump to search
This page has been validated.


Avummaria!... Chiagnenno, addenucchiato
pp'a li pprete de sta cella mia,
ca mme sento sulo e abbandunato,
mme t'arraccumanno... Avummaria!....

Si sponta dint'a st'uocchie appassiunate
na lacrema 'e piatà pe tanta gente,
si tiene mente a tanta sfurtunate,
Addelurata mia, tieneme mente!