Page:'O Munasterio.pdf/24

From Wikisource
Jump to navigation Jump to search
This page has been validated.

26

Oratorio

Fratiè, preia a Dio tutta stanotta

-Tutto more, tutto passa,
sulamente Dio nun more!
Beneditto!
Beneditto!
Ogge e sempe e a tutte l'ore!


-Ma murenno ognuno lassa
ncopp''o munno, a piezze 'o core!...
-Statte zitto!
Beneditto!
Ogge e sempe e a tutte l'ore!
Aizanno l'uocchie 'n'cielo,
acalanno l'uocchie 'n'terra,
addò è pace o addò sta guerra.
Dio se trova, Dio ce stà.

E li braccia aperte stenne
pur' a 'o cchiù gran peccatore,
carità ca nun s'arrenne,
benedetta a tutte l'ore!....
. . . . . . . . .