Page:'E Lluce-luce.djvu/27

From Wikisource
Jump to navigation Jump to search
This page has been proofread.
25
Core e penziero

Vuie... che sapite l'obbligo vuosto, 'o vasate 'a mana!
E accussì se ne passa 'nu juorno, 'na semmana,
'nu mese, n'anno... E ll'anne seccano 'a giuventù,
'nmiezzo a tutta 'sta rrobba ca nun se porta cchiù!
Vicino 'o nonno e 'a nonna ca vanno all'uso antico...
senza tené n'amica, senza tené n'amico...
'nmiezo a 'sti frutte 'e marmulo, nnanze a 'sti sciure 'e cera...
Addò che s'êss' 'a spannere n'addore 'e Pprimmavera
pe' tutt' 'o quarteniello d' 'e rrampe 'e San Martino!
Addò ch'isseva correre, cantanno, 'int' 'o ciardino
pe' cogliere 'na fica, 'na pera, 'nu percuoco...
pe' metterve 'int' 'e ttrezze 'na rosa comm'o ffuoco,
pe' ggh' strillanno all'aria fresca d' 'a primma sera:
«Comme so' bbelle 'e sciure quanno... nun songo 'e cera!»