Page:'E Lluce-luce.djvu/269

From Wikisource
Jump to navigation Jump to search
This page has been proofread.
267
Fuoco e furtuna


Carlo Campese, ’o tipo d’ ’o studente,
sta c’ ’o lappeso ’mmano d’ ’a matina.
Chillo te scrive, quant’ ’o tiene mente,
                                             ’na cartulina.

Ncopp’a ’na preta, sott’a ’nu murillo;
’nfaccia a n’arbero; all’erta, addenucchiato...
E sente a chisto e fa cuntento a chillo...
A’ mamma, a’ sora, a’ ’nnammurata, a ’o frato...

Nun se nega a nisciuuo. E passa, spisso,
da ’na lettera ’ammore a nata ’e guaie!
Scrive pe’ tutte quante! Sulo p’isso
                                             nu’ scrive maie.

Ma pe’ Campese, si uno sulo ’o chiamma:
«Carlù, screvimmo a mammema...» è ’na gioia.
Tanno a Campese, ca nun tene mamma,
le pare ca screvessse a’ mamma soia!