Page:'E Lluce-luce.djvu/268

From Wikisource
Jump to navigation Jump to search
This page has been proofread.
266
Poesie

Quanto n’avimmo – pare ’na pazzia! –
e che ghiuorn’è sapesse quaccheduno?
Nisciuno ’o ssape dint’ ’a Cumpagnia...
                                             Niente! nisciuno!

Sulo ’o sabbato siente a Di Gennaro,
’o cabbalista. ’O dudece dicette:
«Ogge è ’o sicondo sabbato ’e frevaro;
’O quarto colpo ’e «cincbe e trentasette».

«Va trova si muglierema ha penzato...
Carlù, screvimmo! «E zompa addu Campese:
«Mia cara moglie, l’ambo va giocato
                                             per tutto il mese».

E torna int’ ’a trincea c’ ’o pizzo a rriso;
ma, primma ’e s’assettà, s’avota ’e botto:
– «Embè, sapite ccà che nun s’è miso?»
E De Sio, sott’ ’o colpo: – «’O banco lotto!»