Page:'E Lluce-luce.djvu/261

From Wikisource
Jump to navigation Jump to search
This page has been proofread.
259
Fuoco e furtuna


III.


’O sole


Doppo tant’acqua ’o sole asciutta ’e strate,
secca ll’ummedità verde d’ ’e mmura
e dà calore all’arbere sfrunnate.

Ma trase e gghiesce pe’ repassatura,
e nun è ’o sole forte, ’o sole ’e state!

E che nne faie? Ca fa spuntà ’nu sciore
’mponta a ’nu ramo d’arbero,
quanno nu’ squaglia ’a neva p’ ’e mmuntagne?
Nun sulleva ’nu core,
nun asciutta ’na lacrema
’e chi, ’a chell’ata primmavera, chiagne?