Page:'E Lluce-luce.djvu/257

From Wikisource
Jump to navigation Jump to search
This page has been proofread.
255
Fuoco e furtuna


NATALE


Piccerille, che ghiate a’ scola,
piccerille, che nun ce jate.
Si tenite chi ve cunzola
o site sule e abbandunate...

Si tenite tutte vicine,
o tenite tutte luntane...
si sperite ’nnanze ’e vvetrine
o, redenno, sbattite ’e mmane...

Piccerille, pe’ ’stu Natale
nu’ sparate tracche nè botte...
Appicciate sulo ’e bengale
comme sona «la mezzanotte».

Nun sapite Giesù c’ha ditto
primm’ ’e scennere ’a cielo ’nterra?
«Nu’ sparate! Stateve zitto...
ca già tanto se spara ’nguerra!»