Page:'E Lluce-luce.djvu/253

From Wikisource
Jump to navigation Jump to search
This page has been proofread.
251
Fuoco e furtuna


PIEREROTTA


Se n’è passata tutta ’na staggione
e dice sempe ’o stesso, comme arrivo:
«Tu nun m’hê scritto manco ’na canzone!»
No! E nun t’ ’a scrivo. Comme vuo’ c’ ’a scrivo?

Una ne sento... E me fa ’mpressione...
Pure si ’a cante tu mme fa currivo.
Pe’ chi è muorto e chi sta ’nnanz’ ’o cannone,
me mette scuorno ca so’ ancora vivo.

E nun me faccio a ssentere... Nun voglio
ca ’nu surdato, ’o fronte, scasualmente
trova ’a canzona mia liggenno ’o foglio...

’O ssaccio ca, liggennola, se schianta...
E nun voglio che dice: Tiene mente...
I’ cumbattenno moro... E chillo canta!