Page:'E Lluce-luce.djvu/251

From Wikisource
Jump to navigation Jump to search
This page has been proofread.
249
Fuoco e furtuna


E ’a mamma c’aspettato tanto, ma inutilmente,
pecchè ha avuto ’na lettera: «Caduto eroicamente!»
’Sta mamma lloco ’a saccio, ’sta mamma ccà songh’io,
io sì, pecchè... io ll’aggio perduto ’o figlio mio!
Bello! Quant’era bello! Quanno ll’accumpagnaie
’nfino a vvicino ’o treno, cunfromme ’o salutaie,
dicette: Ma’, nu’ chiagnere. Stanno ’e cumpagne attuorno...
Si no... chiagne pur’io! E i’ po’ me metto scuorno!..
Bello! Quant’era bello!... Scriveva ogne mumento.
Mancava sulo quanno steva ’ncumbattimento...
Ma, doppo, me spiegava, chello che c’era stato:
C’avevano sufferto, c’avevano pigliato.
’E nomme d’ ’e paise, d’ ’e sciumme, d’ ’e ’mmuntagne
e conchiudeva ’a lettera: «Scriveme ca nu’ cchiagne...»
E nun aggio chiagnuto maie, sulamenie quanno