Page:'E Lluce-luce.djvu/25

From Wikisource
Jump to navigation Jump to search
This page has been proofread.
23
Core e penziero



'A CASA SENZA SOLE


E 'a casa, oj né! Cagnatela. Lassate 'e Tribbunale.
Sentite a mme, ca ll'aria pesante ve fa male!
E ghiatevenne 'e casa 'ncoppa Santu Martino:
tre cammere, 'a saletta, 'na loggia, o 'nu ciardino,
v'abbastano. Tre stanze so' tutto 'o munno, quanno
'nce sta nu muorzo 'e sfogo pe' spannere 'nu panno,
pe' 'nce piantà 'na rosa, 'nu pede 'e petrusino...
Va! Iatevenne 'e casa 'ncoppa Santu Martino!

E 'a casa, oj né! 'Sta casa d' 'a strata 'e Tribbunale,
ch'è 'a stessa, 'a tridice anne, ch'è sempre tale e quale.
Io 'o ssaccio, che ve veco caccià tutte 'e mmatine
'nu tappetiello fatto cu' 'e scatule 'e cerine,