Page:'E Lluce-luce.djvu/249

From Wikisource
Jump to navigation Jump to search
This page has been proofread.
247
Fuoco e furtuna


E ’a mamma ca ’nu figlio l’aspetta e tene fede?
Malato? E nun ’o vede! Ferito? E manc’ ’o vede.
Maie ’na licenza! E aspetta, e dice: «Ha da turnà!»
’Nu mese, duie, nun àve nutizie. E che sarrà?
E va p’ ’e Cumitate, e saglie e scenne scale;
e aspetta p’ore intere, e aspetta... E ne fa sale!
Pe’ sentere ’a ’na bella signora ’ndifferente,
sempe: «Per voi nessuna notizia». — «Grazie». — «Niente!».
Disperzo? Priggiuniero? Muorto? ’Ncuvaliscenza?
Nun sape niente e aspetta ccu’ fede; aspetta, senza
maie quacche rigo ’e lettera, ’na cartulina, aspetta
sola, parlanno sola cu ’e fierre d’ ’a cazetta!...
E nun se mette ’o llutto, nun chiagne e se dispera;
ma dice: «Torna». E quanno dice: «Dimanassera
figliemo arriva, tanno... torna vicino ’a mamma
stu figlio, all’intrasatto senza ’nu telegramma;
proprio ’a scurdata, quanno nisciuno ’aspetta chiù