Page:'E Lluce-luce.djvu/247

From Wikisource
Jump to navigation Jump to search
This page has been proofread.
245
Fuoco e furtuna


E ’a mamma cu’ ’e denare? Cu ’e mmane dinte ’e fianche
’a sott’ ’a frangia ’e seta d’ ’o crespo ’e mille franche
parla guardanno ’nfaccia cu n’aria ’e derettezza
comme vulesse dicere: «Songh’io che tengo ’a pezza,
songo io che mett’ ’a coppa, songo io c’aggio raggione.
Quanto ce vo’? Se caccia cu sudisfazione!
Pirciò ce stanno ’e llire. Pe’ vencere. E sta guerra,
c’ha dato pena a tutte ’e mamme ’e coppa ’a terra,
n’ha viste che n’ha viste ’e mamme tale e quale,
sotto ’o Cunziglio ’e leva, abbascio a ’nu spitale,
allerta ’n sentinella ’mmiezo a ’na strata; lesa
pe’ fa nu tentativo ccu ’na persona intesa.
Pe’ di’: facite vuie! Figliemo è ’na figliola
zetella, nun ha ditto maie ’na mala parola,
nun è ghiuto nisciuna sera sulo ’o triato,