Page:'E Lluce-luce.djvu/246

From Wikisource
Jump to navigation Jump to search
This page has been proofread.
244
Poesie

E nun so’ tutte mamme? So’ ’e mamme scapellate
ch’io veco appriesso ’e carre cupe d’ ’e carcerate:
«Armà datte curaggio! Tenimmo ’a causa ’mmano.
’A parte ha miso a Porzio? Mammà mette a Marciano».
So ’e mamme ca, schiantate, corrono cu’ ’e vvicine,
arreto ’e carruzzelle che vanno a ’e «Pellerine».
So’ ’e mamme, tutt’ ’e mamme! Stracciate o chiene d’oro,
birbante o ’ndifferente... So’ mamme pure lloro!