Page:'E Lluce-luce.djvu/239

From Wikisource
Jump to navigation Jump to search
This page has been proofread.
237
Sale e sapienza


BELLEZZA

Si puorte ’mmidia a chi tene e pussede
’na femmena ch’è bella e te piace,
penza ca mai nisciuno sape e vede
si chill’ommo è felice e trova pace!

Nu tesoro t’ ’o fraveche ’int’ ’o muro,
te puorte ’a chiave appriesso... e stai sicuro.

Ma nè chiave, nè mura, nè cancella
danno pace ’e ’na femmena ch’è bella!