Page:'E Lluce-luce.djvu/231

From Wikisource
Jump to navigation Jump to search
This page has been proofread.
229
Sale e sapienza


FIDUCIA

Prega ’o Signore e nun le cercà niente.
Nun di’: « Voglio ’sta grazzia speciale ».
Lassa fa’ a Isso! Prega sulamente.
Che sai tu si lle cirche ’o bene o ’o mmale?

E si faje tante p’ ’avè chella gioia
ca te turmenta tutt’ ’a vita toia?

Quante, c’hanno scucciato ’o Paraviso,
po’ diceno: « Ah! signò, tu l’hê permiso! »