Page:'E Lluce-luce.djvu/22

From Wikisource
Jump to navigation Jump to search
This page has been proofread.
20
Poesie



SIGNURENELLA


Che ghiate a fa a 'sta scola ogne matina,
che ghiate a fa a 'sta scola d' 'o Giesù?
Vuie site accussì ghianca e accussì fina
               ca l'aria matutina
male ve fa. Nun ghiate a' scola cchiù!
E quanno avite a ttaglio 'a signurina,
               dicitele ca 'nu
giuvinotto v'ha ditto, stammatina:
«Che ghiate a fa a 'sta scola d' 'o Giesù?»

Vuie site comme a cchi, niente penzanno,
cu' 'e stesse mane soie, se 'ntrezza 'a sciorta!
E i' ve veco passà, se' mise all'anno,
tutte 'e matine cu' 'nu guardaporta.
'Nu guardaporta c' 'a cartiera 'nmano,
che v'accumpagna senza dì parola...
               Ma se ferma 'a luntano,
quanno è ca vuie trasite dint' 'a scola...