Page:'E Lluce-luce.djvu/216

From Wikisource
Jump to navigation Jump to search
This page has been proofread.
214
Poesie


CUNZIGLIE

Va p’ ’a strata ca vuo’ comme t’ ’a siente
e nun veni a du me pe’ nu cunziglio.
Tu, doppicciò ca mme sarrisse figlio,
me sentarrisse senza farne niente.

L’ommo che tene quacche passione
è ’nu mbriaco. E maie ’nu ’mbriacone,
vìppeto, ha ditto ’nfaccia a ’o canteniere:
— Patrò, m’ ’o faccio o no n’atu bicchiere?