Page:'E Lluce-luce.djvu/191

From Wikisource
Jump to navigation Jump to search
This page has been proofread.
189
Canzone


L’AMICIZIA


Si passasse ’nu pianino,
’o facesseme fermà
e a chi stesse ’nzuttanino,
’a vulessemo ’mmità...

Che ciuciù dint’ ’o curtiglio:
ch’ ’e cumpagne, llà pe’ llà,
nciuciarriano p’ ’o puntiglio
ca vulesseno abballà.

     Ma chi abballa cu ’a cchiù bella
     nun ’a fa na polca sana.
     Mezzo giro. ’Astregne ’a mana,
     la ringrazia e se ne va.