Page:'E Lluce-luce.djvu/186

From Wikisource
Jump to navigation Jump to search
This page has been proofread.
184
Poesie


PASCA D’ ’E RROSE

Quanta rose ’nce stanne p’ ’e ciardine
i’ tante nne vulesse ’sta jurnata...
Rose rosse ’e velluto e senza spine,
comme ’a vocca ca i’ sulo aggiu vasata!

Rose janche e gentile, comme ’e mmane
che téneno attaccata ’a vita mia...
’E rrose d’ ’e paise ’e cchiù luntane,
’e rrose ca nun nascene ’a sta via!

     Ma pe’ mme
     so’ sfrunnate ’e ciardine!
     So’ mmorte ’e rrose e so’
          restate ’e spine