Page:'E Lluce-luce.djvu/173

From Wikisource
Jump to navigation Jump to search
This page has been proofread.
171
Canzone


Luce ’o sole? E tutto è niente!
Si è ’na lacrema... che fa?
È ’na lacrema lucente...
Pecchè luce pure ’o chianto,
quann’ ’o sole ’ncielo sta!...

     E si ’e llacreme so’ sole,
     pare a te c’ ’a vita è brutta...
     Vavattenne!... Tengo ’o sole
     ca m’ ’asciutta!...
     ............

     Luce, sole! Luce, sole!
     Dint’all’uocchie d’ ’e ffigliole,
     dint’ ’e core ’nnammurate,
     dint’o vierno comm’ ’a state...
     dint’ ’e vierze d’ ’e ccanzone!
     E fa tutte ’e core buone...
                              Luce, sole!