Page:'E Lluce-luce.djvu/172

From Wikisource
Jump to navigation Jump to search
This page has been proofread.
170
Poesie


Luce o sole? E che mme preme
ca sto sulo e senza te?
Simme state tanto ’nzieme...
E vatrova... ammore e stima
tu mme puorte ancora a me?

     Sento l’eco d’ ’e pparole
     dint’ ’o core e dint’ ’a casa...
     Vavattenne!.. Teng’ ’o sole,
     ca mme vasa!...
     ............
     
     Luce, sole! Luce, sole!
     Dint’all’uocchie d’ ’e ffigliole,
     dint’ ’e core nnammurate,
     dint’ ’o vierno comm’ ’a state...
     dint’ ’e vierze d’ ’e canzone!
     E fa tutte ’e core buone...
                              Luce, sole!