Page:'E Lluce-luce.djvu/168

From Wikisource
Jump to navigation Jump to search
This page has been proofread.
166
Poesie


SCINNE ’STA GRADIATELLA

Comme so’ culumbrine
’sti rrundinelle aguanno!
Tu siente che te fanno
pe’ dint’a ’sti ciardine?

So’ tre quatte matine,
c’ ’a primma luce, arbanno,
me scetano cantanno,
’sti belli mmatutine!

Oi scrupolosa e bella,
scinne sta gradiatella
c’ ’o frisco d’ ’a matina,
cantanno ancora cchiù!

E fa mme ’a culumbrina
nu poco pure tu!