Page:'E Lluce-luce.djvu/163

From Wikisource
Jump to navigation Jump to search
This page has been proofread.
161
Canzone


Chi dice che ’o surdato
suspira e tene ’a freva,
certo fuie rifurmato
pe’ debulezza, quanno ascette ’e leva!
Si venene ’e penziere,
c’ ’o core è sempe core,
ma... abbasta nu bicchiere...
e na... surtita... pe’ sta ’e buonumore!

     ’O surdato tene vint’anne!
     E a vint’anne che vuo’ penzà.
     Vota e ggira... dint’a sti panne
     pienze... o comme te voglio amà
     Tu a vint’anne che vuo’ penzà?.