Page:'E Lluce-luce.djvu/161

From Wikisource
Jump to navigation Jump to search
This page has been proofread.
159
Canzone


Ma pecchè non m’è scuntrato
primma ’e mo’ che triemme e guarde?
Pe’ qua’ via luntana e scura
si’ arrivata accussì tarde?

E si’ comme a chi, affannano,
tuzzulea ’nfaccia a ’na porta,
che nisciuna mana arape,
pe’ ’na brutta mala sciorta!

Vita mia! T’aggio aspettata
tutta ’a vita! E si’ venuta
quanno ’a vita se n’è gghiuta,
quanno nun te pozzo amà!...